“Ukraynanın Rusiyaya hücumu atəşkəs danışıqlarını hədəfə alıb” – ARMY.AZ

Rusiya prezidenti Vladimir Putin, Ukraynanın ölkəsinə qarşı son hücumuna ən qısa zamanda cavab verəcəklərini ifadə edərək, “Atəşkəs danışıqlarını hədəf aldılar” dedi.

Rusiya prezidenti Vladimir Putin bazar ertəsi bildirib ki, Ukraynanın müharibə başlayandan bəri Rusiya ərazisinə ən böyük müdaxiləsi Kiyevin danışıqlarda mövqeyini yaxşılaşdırmaq və mümkün sülh danışıqları ərəfəsində Rusiya qüvvələrinin irəliləyişini ləngitmək məqsədi daşıyır.

“Onlar sülh danışıqlarını hədəfə aldılar”

Ukrayna qüvvələri ötən çərşənbə axşamı Rusiya sərhədini keçərək Rusiyanın Kursk vilayətinin bəzi qərb hissələrinə hücum edib. Hücumla bağlı indiyədək verdiyi ən təfərrüatlı şərhində Putin bildirib ki, Ukrayna “Qərb ağalarının köməyi ilə” mümkün danışıqlar ərəfəsində mövqeyini yaxşılaşdırmağa çalışır. Putin Rusiyanın mülki əhalisinə və nüvə obyektlərinə atəş açan düşmənlə hansı danışıqların aparıla biləcəyini sual edib.

“Cavab düşmənə veriləcək”

Ukraynaya ən sərt şəkildə cavab verəcəklərini bildirən Putin, Ukraynanın Rusiyanın qərb sərhədində sabitliyi pozmaq üçün daha çox cəhd göstərməsini gözlədiyini bildirib.