Portuqaliya Xorvatiyadan üstün oldu, İspaniya Serbiya ilə bacarmadı
UEFA Millətlər Liqasında qrup mərhələsi görüşlərinə start verilib.
BEY.AZ xəbər verir ki, ilk oyun günündə Azərbaycan – İsveç görüşündən başqa daha səkkiz matç keçirilib.
Portuqaliya-Xorvatiya oyunu 2:1 hesabı ilə portuqalların xeyrinə başa çatıb. Digər görüşlərdə San-Marino tarixində ilk dəfə rəsmi matçda qələbə qazanıb. Cırtdan ölkənin seçmə komandası evdə Lixtenşteynə minimal hesabla qalib gəlib – 1:0. Slovakiya isə səfərdə eyni nəticə ilə Estoniyanı məğlub edib – 0:1.
Serbiya – İspaniya və Belarus – Bolqarıstan matçlarında hesab açılmayıb – 0:0.
Polşa səfərdə Şotlandiya üzərində qələbəni son saniyələrdə qazanıb – 2:3.
Həmçinin, Şimali İrlandiya Lüksemburqdan, Danimarka eyni hesabla İsveçrədən üstün olub – 2:0.
| ARMY.AZ | TÜRKÇE BİLGİ PORTALI |