İsrail və HƏMAS-ın atəşkəs razılaşmasına ümid azdır

BEY.AZ bildirir ki, adı açıqlanmayan bir rəsmi bu barədə “The Wall Street Journal”a danışıb:

“Bunun nə vaxtsa ediləcəyinə əmin deyiləm”.

Eyni xəbərdə bir ərəb ölkəsindən olan başqa bir rəsmi əlavə edib ki, “Hazırda bunun baş vermə ehtimalı yoxdur”.

Hamı növbəti seçkiyə qədər gözləmə rejimindədir. Nəticə gələcək administrasiyada nələrin baş verə biləcəyini müəyyən edəcək.

Mübahisəli məqamlar arasında HƏMAS-ın saxladığı məhbusların müqabilində neçə fələstinli məhbusun azad ediləcəyi və Livanda “Hizbullah”ın istifadə etdiyi peycerləri hədəf alan, azı 25 nəfərin ölümü və minlərlə insanın yaralanmasına səbəb olan partlayıcı hücum var. İsrail hücuma görə məsuliyyəti üzərinə götürməsə də, mətbuatda çıxan xəbərlərdə hücumun İsrail Müdafiə Qüvvələri (IDF) və “Mossad”ın birgə planı olduğu iddia edilib.

Qəzza Səhiyyə Nazirliyi bildirir ki, İsrail-Həmas qarşıdurması oktyabrın 7-dən bu yana 42 mindən çox insanın ölümünə səbəb olub, əksəriyyəti Fələstinli mülki şəxslərdir. Bəzi beynəlxalq müşahidəçilər münaqişənin qəzzalılara qarşı soyqırıma çevrildiyini deyirlər.

Razılaşmaya nail olmaq çətin olaraq qalır və İsrail-Həmas münaqişəsi böyük regional münaqişəyə çevrilmək təhlükəsi yaradır.