Kişilər niyə məşuqəyə ehtiyac duyur? – KİŞİLƏRİN SİRRİ AÇIQLANDI

Kişilərin xəyanətinin səbəbini tez-tez qadınlarda görürlər. Ailə qurduqdan sonra qadınlar özlərinə diqqət edə bilmir, uşaq doğulduqdan sonra kişilərə az diqqət ayırırlar ki, bunlar da kişilərin xəyanətinə rəvac verir. Gəlin sizinlə birlikdə aydınlaşdıraq: kişilərin xəyanətində yalnız qadınlar günahkardırlarmı və bu xəyanətin qarşısını necə ala bilərik. 

Kişilər ona görə xəyanət edirlər ki, onlar özlərinə bunu etməyə icazə verirlər və xəyanətlərinə görə cəmiyyətimiz onları mühakimə etmir, hətta çox vaxt onları bağışlayır. Hesab edilir ki, kişilərə seks daha çox lazımdır. Əgər evdə onları təmin edə bilmirlərsə, onlar asanlıqla kənarda məşuqələr tapırlar. 

Belə hallarda bəzi qadınlar ya ayrılmağa üstünlük verir və yaxud sakitcə dözür və həyat yoldaşının onu tamamilə tərk etmədiyinə görə sevinirlər. 

Nəzərə alanda ki, qadınlar həm yaxşı ana, həm yaxşı evdar qadın, həm də yataqda seksual tərəfdaş olmalıdır, amma hərdən bu vəzifələrin hamısının öhdəsindən gəlməyə demək olar ki, qadının gücü çatmır. 

Yaddan çıxartmaq olmaz ki, 24 saat ərzində qadınlar kişilərdən daha çox işləyirlər. Əlbəttə ki, qadın özünə baxmalı və ərinə vaxt ayırmalıdır. Belə olan halda, bütün evin yükünü öz üzərinizə götürməyin. Yəni həyat yoldaşınızla ev qayğılarını bölüşün: icazə verin ki, uşağı gündəlik olaraq baxçaya aparıb-gətirsin, bazarlığı etsin və zibilləri atsın. Beləliklə, dərhal özünüzə ayırmağa vaxtınız da olacaq. 

Bütün vəzifələri öz üzərinizə götürmək, hər işin öhdəsindən gələ bilən ideal qadın rolunu oynamaq lazım deyil. Vəzifələrinizi bölüşdürdükdən sonra özünüzə vaxt ayırın, amma ərinizi saxlamaq üçün də bütün günü “yalnız sekslə məşğul olum” deməyin. 

Siz həyat yoldaşı və ana olduğunuza görə bəzi qeyri-ciddi addımlara qarşı qoyulmuş stereotiplərə əməl etməyə çalışmayın. Öz arzu və istəklərinizə qulaq asın, ona güzəştə gedin, övladlarınızı və özünüzü sevin. Gücünüzdən artığını etməyə və bütün dünyanı xilas etməyə çalışmayın.