İspaniyada parlamentin aşağı palatası qadınların razılığı olmadan istənilən cinsi əlaqəni zorlama kimi xarakterizə edən qanun layihəsini təsdiqləyib.
Hökumətin təklif etdiyi və “yalnızca bəli bəlidir” kimi tanınan qanunvericilik cinsi istismar və cinsi təcavüz cinayətlərini zorlama cinayətləri kimi təsnif edir. Zərər çəkmiş şəxsin bu cinayətin törədildiyini sübut etmək üçün zorakılığa məruz qaldığını və ya müqavimət göstərdiyini sübut etməsinə ehtiyac qalmayacaq.
“(Şüarlar) ‘Yalnızca bəli bəlidir’ Bundan sonra İspaniya bütün qadınlar üçün daha azad və təhlükəsiz ölkədir,” Bərabərlik naziri İrene Montero Konqresdə deputatlara deyib.
İki ildən artıqdır üzərində işlənən və 140 əleyhinə 201 səslə qəbul edilən qanun layihəsi parlamentin yuxarı palatasına göndərilib. Burada təsdiq olunarsa, qanun qüvvəyə minəcək.
Dörd il əvvəl İspaniyada özlərini “Canavar sürüsü” adlandıran beş kişi Pamplonada öküz qaçışı festivalı zamanı bir qadına təcavüz etmişdi.
Qlobal #MeToo hərəkatı fonunda hökumətin qərarlarına qarşı kütləvi etirazlar beynəlxalq diqqəti İspaniyaya yönəltdi
