Birləşmiş Millətlər Təşkilatının (BMT) Cenevrə ofisində keçirilən 75-ci Ümumdünya Səhiyyə Assambleyası çərçivəsində ÜST rəsmiləri meymun çiçəyi virusu ilə bağlı brifinq verib.
ÜST-nin Xəstəliklərə Hazırlıq və Qarşısının Alınması üzrə Direktoru Dr. Sylvie Briand, meymun xəstəliyinin heyvandan insana keçən bir virus olduğuna diqqət çəkərək, “Təəssüf ki, hələlik bu epidemiyanın hansı heyvanlardan yayıldığını bilmirik” dedi.
İndiyə qədər dünyada 200-ə yaxın meymun çiçəyi xəstəliyinin müşahidə edildiyini bildirən Briand bu rəqəmin yaxın günlərdə arta biləcəyini qeyd edib.
Briand, ÜST-nin meymun çiçəyi virusuna qarşı səyahət qadağasını və ya Covid-19 epidemiyasına qarşı qadağaları zəruri hesab etmədiyini və meymun çiçəyinin yayılmasının Covid-19-dan fərqli olduğunu vurğuladı.
ÜST rəsmisi əlavə edib ki, virusda hər hansı bir genetik dəyişikliyin sonuncu epidemiyaya səbəb olduğuna dair heç bir sübut yoxdur.
İlk dəfə mayın 6-da İngiltərədə görülən meymun çiçəyi virusu indiyədək 20 ölkəyə yayılıb.
