Gəncə və Tovuzda itkin düşən məktəbli qızlar tapılıb.
BEY.AZ xəbər verir ki, bu barədə DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımov bildirib.
Məlumata görə, polis əməkdaşlarının keçirdikləri axtarış tədbirləri nəticəsində hər iki şəxsin yeri müəyyən olunaraq ailələrinə təhvil verilib.
***
09:37
Gəncə və Tovuzda 14 yaşlı qızlar itkin düşüb.
BEY.AZ xəbər verir ki, Gəncə şəhəri Ş.İ.Xətai prospekti ev 115a mənzil 43-də yaşayan 2009-cu il təvəllüdlü Türkan Qurbanova yaşadığı evdən çıxıb naməlum istiqamətə gedərək itkin düşüb.
Faktla bağlı Gəncə Şəhər Polis idarəsində araşdırma aparılır.
Digər hadisə isə Tovuzda baş verib. 2009-cu il təvəllüdlü, orta məktəb şagirdi Gülay Bayramova yaşadığı Tovuz rayonu Aşağı Quşçu kəndindəki evlərindən çıxıb naməlum istiqamətə gedərək itkin düşüb.
Faktla bağlı Tovuz Rayon Polis Şöbəsində araşdırma aparılır.
