İslandiyada baş nazir Katrin Yakobsdottir də daxil olmaqla on minlərlə qadın gender əsaslı maaş bərabərsizliyinə etiraz etmək üçün 48 ildən sonra ilk dəfə tətil elan ediblər.
BEY.AZ xəbər verir ki, onlar işlərini tam dayandırmaq qərarını veriblər. “The Guardian” qəzetinin yazdığına görə, İslandiyanın müxtəlif şəhərlərindən on minlərlə qadının iştirakı ilə keçiriləcək tətilə paytaxt Reykjavikdə 25 min etirazçı qatılacaq. Ölkənin müxtəlif yerlərində 10 nümayiş tətşkil edilir. Tətil 40 təşkilat tərəfindən təşkil edilib. Tətillə bağlı İslandiya mətbuatına açıqlama verən baş nazir Yakobsdottir, baş nazirlik ofisinin tətilə çıxacağını bildirərək, “İlk növbədə islandiyalı qadınlarla həmrəylik nümayiş etdirirəm” deyə qeyd edib.
