Tərtər rayonunun Hümbətli kəndində traktorla minik avtomobili toqquşub.
BEY.AZ xəbər verir ki, hadisə dünən axşam saatlarında baş verib. 1983-cü il təvəllüdlü Xəqani Aydınovun idarə etdiyi “Belarus 82” markalı traktorla Ədalət Həsənəliyevin idarə etdiyi “VAZ 2101” markalı avtomobil toqquşub. Qəza nəticəsində 1971-ci il təvəllüdlü Ədalət Həsənəliyev və 2023-cü il təvəllüdlü Asya Həsənəliyeva aldıqları xəsarətlərdən xəstəxanada dünyasını dəyişiblər. Hadisə zamanı xəsarət alan digər sərnişin, Zəhra Məmmədova, tibb müəssisəsinə yerləşdirilib.
Hadisə yerindən qaçan traktor sürücüsü Xəqani Aydınov hüquq-mühafizə orqanlarının keçirdiyi əməliyyat-axtarış tədbirləri nəticəsində saxlanılıb və istintaqa təqdim edilib.
Faktla bağlı cinayət işi açılıb, araşdırmalar davam edir.
You must enable Javascript on your browser for the site to work optimally and display sections completely.
