Qadın bədəninin hansı hissəsi tez qocalır?

Kaliforniya Universitetinin alimləri bildiriblər ki, qadın orqanizmində qocalma prosesi heterojendir: onun bəzi hissələri uzun müddət cavan qala bilir, bəziləri isə tez və aşkar qocalır.

Bey.az “Medicina”ya istinadən xəbər verir ki, mütəxəssislərin sözlərinə görə, yaşa bağlı dəyişikliklərin ilk hədəfi, çoxlarının bildiyi kimi, boyun deyil, sinə və süd vəziləridir.

Tədqiqat zamanı tarama texnikası qadın orqanizminin bütün toxuma və orqanlarının dəqiq bioloji yaşını ölçüb. Bu sorğuda ümumilikdə 1000 qadın iştirak edib.

Alimlər əldə etdikləri məlumatları həm sağlam, həm də xərçəng xəstəliyindən əziyyət çəkən insanların genetik analizinin nəticələri ilə müqayisə ediblər.

Beləliklə, mütəxəssislər qadın döşünün genetik olaraq sürətli qocalmağa meylli olduğunu və çox güman ki, ilk növbədə qadın orqanizmində döşlərin qocaldığını müəyyən edə bildilər.

Qadınlarda döşlər yaşa bağlı dəyişikliklərə ən həssasdır, süd vəzilərinin toxumaları bədənlərinin digər hissələrinə nisbətən dəfələrlə daha sürətli qocalır. Ciddi xəstəliklər olarsa, qocalma prosesi daha sürətli olur.

Qadında döş xərçəngi varsa, şiş zonasında hüceyrə qocalması prosesi demək olar ki, 10 il daha sürətli olur.

Bundan əlavə, qadın orqanizminin qocalması siqaret, alkoqol, artıq çəki və təkrar hamiləlik kimi faktorlarla sürətlənir.