Qazaxıstan prezidenti Kasım Jomart-Tokayevin Sankt-Peterburq Beynəlxalq İqtisadi Forumunda sesnsasion açıqlamalarından sonra Rusiya qazax neftinin tranzitinə qadağalar qoyub.
BEY.AZ Teleqraf.coma istinadən xəbər verir ki, Qazaxıstan Qərbin sanksiyasına məruz qalmamaq üçün adını dəyişdirmək istədiyi neft brendinin ixracı Novorossiysk limanında dayandırılıb.
Buna səbəb kimi liman sularında guya İkinci Dünya Müharibəsindən qalma mina ola biləcək obyektlərin tapılması göstərilib.
Söhbət ildə 67 milyon ton neft nəql edən Xəzər Boru Kəmərinin yanalma qurğularına bitişik akvatoriyanın bağlanmasından gedir.
Neftin tranziti azı 1 ay müddətinə dayandırılıb.
Xatırladaq ki, Tokayev Sankt-Peterburqa çıxışı zamanı DXR və LPR-i tanımadığını, onları kvazidövlət qurumları hesab etdiyini bildirib.
