Samuxda qayınata keçmiş kürəkənini öldürüb

Samux Rayon Prokurorluğu rayon ərazisində baş verən qətllə bağlı məlumat yayıb.

Prokurorluqdan Metbuata.az-a daxil olan məlumatda deyilir:

“Aprelin 25-i saat 23 radələrində Samux rayonu, Təzəkən kəndi ərazisində 1985-ci il təvəllüdlü Faiq Məlikovun öldürülməsi barədə rayon prokurorluğuna məlumat daxil olub.
Aparılmış araşdırmalarla qeyd edilən kənd sakini Məlikağa Əliyevin şəxsi münasibətlər zəminində aralarında yaranmış mübahisə zamanı keçmiş kürəkəni Faiq Məlikova bıçaqla xəsarətlər yetirərək onu qəsdən öldürməsinə əsaslı şübhələr müəyyən edilib.

Faktla bağlı Salyan rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. .

Məlikağa Əliyev şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq davam edir”.

You must enable Javascript on your browser for the site to work optimally and display sections completely.