ABŞ ordusu Suriyanın şərqində İran İnqilabı Keşikçiləri Korpusunun və onun nəzarəti altında olan qrupların istifadə etdiyi iki obyektə hava hücumu təşkil edib.
BEY.AZ xəbər verir ki, bu barədə ABŞ-ın müdafiə naziri Lloyd Ostin açıqlama verib. O bildirib ki, bu əməliyyatlar İran dəstəkli qrupların İraq və Suriyada ABŞ personalına qarşı təşkil etdiyi hücumlara cavabdır.
“İranın dəstəklədiyi qruplar ABŞ qüvvələrinə qarşı hücumlarını davam etdirsələr, biz xalqımızı qorumaq üçün digər zəruri tədbirləri görməkdən çəkinməyəcəyik. İranın dəstəklədiyi ABŞ qüvvələrinə qarşı bu hücumlar qəbuledilməzdir və dayandırılmalıdır”, – Ostin bildirib.
Takip Et
