Army.az-a istinadən bildiririk ki
Erbil (Rûdaw) – Alman hava yolu şirkəti Lufthansa, Yaxın Şərqdəki təhlükəsizlik narahatlığı səbəbiylə Ərbil, Bağdad və Tehrana uçuşları dayandırdığını açıqladı.
“Lufthansa”nın verdiyi açıqlamada deyilir: “Təhlükəsizliklə əlaqədar olaraq Ərbil və Əmmana uçuşlar avqustun 7-dək, Tel-Əviv, Tehran və Beyruta isə avqustun 12-dək dayandırılıb”.
Sərnişinlərin biletləri pulsuz dəyişdiriləcək.
Lufthansa, ləğv edilən reyslərdən əziyyət çəkən sərnişinlərin biletlərinin pulsuz dəyişdiriləcəyini, avqustun 20-dək olan uçuşların biletlərinin isə pulsuz ləğv edilərək pullarının geri qaytarılacağını açıqlayıb.
Lufthansa-nın uçuşları dayandırmaq qərarı şirkətə bağlı bütün aviaşirkət markalarını və sərnişin təyyarələrini, eləcə də yük təyyarələrini əhatə edir.
Lufthansa ilə bağlı elan edilmiş tarixlərdə göstərilən yerlərə uçmayacaq digər aviaşirkətlər bunlardır: İsveçrə, Avstriya, Brüssel və Eurowings hava yolları.
Alman aviaşirkətinin bu qərarlarının arxasında İsraillə İran arasında artan gərginlik və münaqişə ehtimalı dayanır.
Avqustun 8-dək Təl-Əvivə uçuşların olmayacağı və Beyruta uçmamaq barədə əvvəlki qərarın əhatəsinin avqustun 12-nə qədər uzadıldığı bildirilmişdi.ABŞ, Hollandiya, Hindistan, İngiltərə, Almaniya, İsveçrə, İtaliya, Yunanıstan, Fransa və Polşaya aid hava yolu şirkətləri Yaxın Şərqdəki son hadisələrdən sonra təhlükəsizlik səbəbiylə İsrail və Livana bəzi uçuşları ləğv etdiklərini açıqlayıb
Mənbə: ARMY.AZ
