“Şamaxı Şərab-2” Açıq Səhmdar Cəmiyyətinin (ASC) İdarə Heyətinin sədri İlqar Əfəndiyev vəzifəsindən azad edilir.
BEY.AZ İqtisadiyyat.az-a istinadən xəbər verir ki, o, işdən çıxarılması ilə bağlı ərizə yazıb.
İdarə Heyətinin sədrinin ərizəsinə cəmiyyətin iyunun 8-də keçiriləcək növbədənkənar ümumi yığıncağında baxılacaq və qərar qəbul ediləcək. Onunla əmək müqaviləsinə xitam veriləcək.
Yığıncaqda həmçinin İdarə Heyətinə yeni sədr və üzvlər seçiləcək.
Qeyd edək ki, “Şamaxı Şərab-2” ASC 2005-ci ildə dövlət qeydiyyatına alınıb. Şirkətin nizamnamə kapitalı 1 650 308 manatdır. ASC-nin hazırda qanuni təmsilçisi İdarə Heyətinin sədri vəzifəsində çalışan İ.Əfəndiyevdir.
You must enable Javascript on your browser for the site to work optimally and display sections completely.
