Azərbaycandan qazın ixracı 7% artıb
BEY.AZ informasiya agentliyi xəbər verir
Bu ilin yanvar-iyul ayları üzrə operativ məlumatlara əsasən, 7 ay ərzində Azərbaycanda 28,1 mlrd. kubmetr təbii qaz hasil edilib.
Metbuat.az xəbər verir ki, bu barədə Energetika Nazirliyindən verilən məlumat verilib. Bildirilib ki, qazın 7,5 mlrd. kubmetri “Azəri-Çıraq-Günəşli” nrft-qaz yataqları blokundan (AÇG), 15,4 mlrd. kubmetri “Şahdəniz” qaz-kondensat yatağından, 0,1 mlrd. kubmetri “Abşeron”dan, 5,1 mlrd. kubmetri SOCAR üzrə hasil olunub.
Məlumata görə, ötən ilin müvafiq dövrünə nisbətən qaz hasilatında 3,3%, yəni 0,9 mlrd. kubmetr artım qeydə alınıb.
Hesabat dövründə xaricə qaz satışı 13,8 mlrd. kubmetr təşkil edib ki, bu da ötən ilin müvafiq dövrü ilə müqayisədə 7% çoxdur. Cari ilin yanvar-iyul aylarında Avropaya 6,6 mlrd. kubmetr, Türkiyəyə 5,8 mlrd. kubmetr, Gürcüstana isə 1,4 milyard kubmetr qaz satılıb. Bu müddətdə Türkiyəyə TANAP kəməri ilə 3,3 mlrd. kubmetr qaz nəql olunub.
You must enable Javascript on your browser for the site to work optimally and display sections completely.
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Azərbaycandan #qazın #ixracı #artıb