Azərbaycanla İrlandiya arasında ticarət dövriyyəsi 75%-dən çox artıb
BEY.AZ informasiya agentliyi xəbər verir
2023-cü ilin yanvar-iyul aylarında Azərbaycanla İrlandiya arasında ticarət dövriyyəsi 388 milyon 73 min dollara bərabər olub.
Metbuat.az-ın Dövlət Gömrük Komitəsinin hesabatı əsasında apardığı hesablamalara görə, bu göstəricinin həcmi ötən ilin müvafiq dövrü ilə müqayisədə 75.6% və ya 167 milyon 37 min dollar çoxdur.
Qeyd edək ki, hesabat dövründə Azərbaycandan İrlandiyaya ixracın həcmi 80.6% artaraq 367 milyon 936 min dollar təşkil edib. Eyni dövrdə İrlandiyadan Azərbaycana ixracın həcmi isə 16.7% artaraq 20 milyon 136 min dollar olub.
Əlavə edək ki, Azərbaycanın İrlandiyaya ixracının 99.6%-ni xam neft məhsulu təşkil edib. Belə ki, cari ilin ilk 7 ayından Azərbaycandan İrlandiyaya 366 milyon 641 min dollar dəyərində 630 min 56 ton neft ixrac edilib.
You must enable Javascript on your browser for the site to work optimally and display sections completely.
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Azərbaycanla #İrlandiya #arasında #ticarət #dövriyyəsi #75dən #çox #artıb