Bakıda aylıq normadan çox yağıntı düşüb

Yağıntıların qeyri bərabər paylanması uzun çəkən azyağıntılı dövrdən sonra, yağıntının bir gündə aylıq normanı üstələməsi halları, son illərin səciyyəvi tendensiyasına çevrilir.

Metbuat.az xəbər verir ki, Milli Hidrometeorologiya Xidmətinin rəisi Rafiq Verdiyev bildirib ki, aprel ayının iki günü tamamlanmamış, artıq Abşeron yarımadasında intensiv yağıntı aylıq normanı aşdı, toplam 36 mm- lik miqdarla aylıq norma 152 faizə çatdı ki, bu da son 21 il ərzində ən yüksək göstəricidir.

“Son dəfə 2013-cü il aprelin 24-də Bakıda 26 mm yağıntı düşmüşdü ki, bu da aylıq normanın 113%-ni təşkil etmişdi”.

Xidmət rəisinin sözlərinə görə, regionlarda müşahidə olunan yağıntılı hava isə çayların sululuğuna müsbət təsir göstərib və
bu cür halların təkrarlanması, çoxalması iqlim dəyişmələrinin fəsadlarından xəbər verir.

You must enable Javascript on your browser for the site to work optimally and display sections completely.