BEY.AZ informasiya agentliyi xəbər verir
Bakıda yaşadıqları evdə əxlaqsızlıq yuvası yaradan ər-arvad cinayət məsuliyyətinə cəlb edilib.
Metbuat.az “Qafqazinfo”ya istinadən xəbər verir ki, barələrində Cinayət Məcəlləsinin 244.2.2-ci (əxlaqsızlıq yuvaları saxlama) maddəsi ilə iş açılmış 49 yaşlı R. S. və həyat yoldaşı, 47 yaşlı N.S.-ə Nəsimi Rayon Məhkəməsində hökm oxunub.
Məhkəmədə bildirilib ki, ər-arvad daimi qeydiyyatda olduqları və yaşadıqları Nəsimi rayonu Xəqani küçəsindəki mənzili 2019-2022-ci illər ərzində mütəmadi olaraq saatlıq kirayə veriblər. Onlar evin yataq otağında cinsi əlaqədə olmaq üçün müraciət edənlərə şərait yaradaraq 30 manata kirayə veriblər. Ər-arvaddan hər hansı biri paytaxtda və ya yaxınlıqda olmadıqda onlardan biri müştərini digərinə istiqamətləndirirmiş.
Nəsimi Rayon Məkəməsi onları qeyd edilən maddə üzrə təqsirli bilib. R.-ə 2, həyat yoldaşına isə 1 il 6 ay müddətinə sınaq müddəti təyin edilməklə şərti cəza verilib.
You must enable Javascript on your browser for the site to work optimally and display sections completely.
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Bakıda #evini #əxlaqsızlıq #yuvasına #çevirən #ərarvada #cəza #verildi
