Bakıda Türkiyənin milli bayramı münasibətilə rəsmi qəbul təşkil edilib
Türkiyə Respublikasının yaranmasının 100-cü ildönümü münasibətilə oktyabrın 29-da Bakıda, Heydər Əliyev Mərkəzində rəsmi qəbul təşkil edilib.
BEY.AZ xəbər verir ki, rəsmi qəbulda Milli Məclisin sədri Sahibə Qafarova, Türkiyənin Azərbaycandakı səfiri Cahit Bağçı, Milli Məclis sədrinin müavinləri və parlamentin deputatları, dövlət və hökumət nümayəndələri, xarici ölkələrin Azərbaycandakı səfirləri, ictimaiyyətin təmsilçiləri iştirak edirlər.
Türkiyənin ölkəmizdəki səfirliyi tərəfindən təşkil olunan tədbirdə Azərbaycanın və Türkiyənin Dövlət himnləri səsləndirilib.