Bakının Qaradağ rayonunda 3 km-lik yolun təmirinə başlanılıb
BEY.AZ informasiya agentliyi xəbər verir
Azərbaycan Avtomobil Yolları Dövlət Agentliyi Bakının Qaradağ rayonunun Sahil qəsəbəsinin Məhərrəm Seyidov küçəsinin təmirinə başlayıb.
Metbuat.az xəbər verir ki, bu barədə Agentlik məlumat yayıb.
Məlumata görə, qəsəbəsinin əsas yollarından biri olan və uzunluğu 3 200 metr, ortalama eni 10 metr təşkil edən həmin küçəsinin təmiri çərçivəsində küçəboyu hazırda köhnə asfalt-beton örtüyünün üst qatı frezlənərək kənara daşınır. Bundan başqa mövcud piyada səkilərinin bərpası, kənarlarına yeni səki daşlarının düzülməsi də icra olunur.
Daha sonra zəruri olan yerlərdə yararsız qruntun qazılaraq çıxarılması, əks-dolğu işlərinin icrası ilə küçənin profilə salınması işləri görüləcək. Ardınca yeni asfalt-beton örtüyü döşənəcək.
Ümumilikdə cari ildə Qaradağ rayonunun Lökbatan, Qızıldaş, Sahil və Qobustan qəsəbələri üzrə təmiri aparılan küçələrin uzunluğu 19,6 kilometr təşkil edir. Artıq bir çox küçədə təmir işləri yekunlaşıb.
Ötən il Qaradağ rayonunda ümumi uzunluğu 6,5 kilometr olan küçə və yollarda təmir işləri aparılıb.
You must enable Javascript on your browser for the site to work optimally and display sections completely.
Google News Abone ol
Səndə məqalə yaz
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.