“Bilet qiyməti 100 yox, 50 manat olsa yaxşı olar”

Xalq artisti Brilliant Dadaşova qatar biletlərinin bahalığından gileylənib.

Metbuat.az xəbər verir ki, bu barədə o, sosial media səhifəsində video paylaşıb.

Gəncədən qayıtdığını qeyd edən sənətçi sürət qatarında biznes vaqonunun biletinin baha qiymətə satıldığını deyib:

“Maşallah, qatarımıza baxın. Rahatdır. Elə bilərsiz reklam edirəm. Yox. Pulunu vermişəm. Amma bir az bahadır. Biznes vaqonda adam başı bilet qiyməti 100 yox, 50 manat olsa, yaxşı olardı. Dünyanın ən bərkgedən ölkələrində belə vaqonlar yoxdur. Maşınla gedəndə nigaran oluram, gözüm yolda qalır. Amma bu pula dəyər. Bəlkə də bizi eşidərlər, uculşadırarlar. Biznes 35 manatdır, “First class” 100 manat. Mən burdan Dəmir Yolları Qapalı Səhmdar Cəmiyyətinə səslənirəm ki, bu biletləri bir az ucuzlaşdırın. Tez-tez gedib-gələk Gəncəyə”.

You must enable Javascript on your browser for the site to work optimally and display sections completely.