“Bircə burnumu əməliyyat etdirmişəm” – Lətifə Soyuöz

“Mənə deyirlər ki, başdan-ayağa kimi botoksan. Botoks ancaq qaş nahiyəsinə vurulur. Adam başdan-ayağa kimi necə botoks ola bilər? Bu gün kosmetoloji mərkəzə gedəndə baxırsan ki, nə qədər adam var. Hamı özünü gözəl görmək istəyir. “Instagram”dakı maskalar bizi birtəhər edib. Effektləri qoyursan burnun, boğazın yığılır. Başlayırsan ki, burnumu yığım, onu edim”.

Metbuat.az xəbər verir ki, bu sözləri müğənni Lətifə Soyuöz “Səhər mərkəzi” proqramında deyib. Sənətçi plastik əməliyyat etdirməsi ilə bağlı yazılanlara münasibət bildirib: “Bircə dəfə əməliyyat olunmuşam, onda da burnumu etdirmişəm. Bir də üzümə kosmetoloji baxımlar etdirirəm”.

Son günlər çəki atan Lətifə “Pəhriz saxlayıram və idmana başlamışam. Həkim-kosmetoloqa da çox gedirəm” sözlərini əlavə edib.

You must enable Javascript on your browser for the site to work optimally and display sections completely.