“Bu məni qorxutdu” – Braziliyalı model Putinlə görüşündən danışdı

“Miss BumBum” yarışmasında qalib gələn və “Ən yaxşı ombalı” seçilən braziliyalı model Suzi Kortez Vladimir Putinlə bağlı olduqca maraqlı xatirələr paylaşıb.

Metbuat.az xəbər verir ki, Kreml rəhbəri ilə 2018-ci ildə tanış olduğunu deyən model açıqlamasında Rusiya lideri ilə şam yeməyi zamanı görüşdüyünü dilə gətirərək Ukraynaya hücum edən Putini “şiddətə meyilli psixopat” adlandırıb.

31 yaşlı “BumBum” ulduzu Putinlə yaşadıqlarını belə xatırlayıb:

“Putin mənim əlimi sıxdı və bir neçə dəqiqə birbaşa gözlərimin içinə baxdı. Bu, məni bir az qorxutdu”.

Putinin tədbir boyu taxta stulda əyləşdiyini bildirən Kortez, “Mənə nəsə demək istəyəndə katibinə bildirir, o da gəlib mənə onun nə demək istədiyini söyləyirdi. Məni çox tərifləyib dövlət maşını ilə istədiyim yerə göndərdi. Bu mənə çox qəribə gəlirdi. Mən başa düşə bilmədim ki, o, bu üsulu müdafiə üçün, yoxsa təqib üçün seçmişdi”.

Putinlə görüş təcrübəsinin olduqca qəribə olduğunu qeyd edən model bu barədə sosial şəbəkədə də paylaşım edib. Model “Rusiyaya kubok üçün getmişdim. Putinlə şəxsən görüşdüm. O dövrdən qalan hər xatirəmi zibil hesab edib sildim. Çünki Putin əsl psixopat olduğunu sübut etdi” deyə izləyicilərini təccübləndirib.

Metbuat.az

You must enable Javascript on your browser for the site to work optimally and display sections completely.