Ekoloji hüquqpozmalarla bağlı cinayət işi başlanıb
BEY.AZ informasiya agentliyi xəbər verir
Baş Prokurorluğun Cinayət təqibindən kənar icraatlar idarəsində Quba və Sabirabad rayonu ərazisində qanunsuz ağackəsmə faktları ilə bağlı araşdırma aparılıb.
Bu barədə Metbuat.az-a Baş Prokurorluğun Mətbuat xidmətindən bildirilib.
Araşdırmalar zamanı qeyd olunan rayonların ərazisində meşə fonduna daxil olmayan, ümumilikdə 533 ədəd ağac və kolun qanunsuz kəsilməsi nəticəsində təbiətə 68 min manatdan çox ziyan vurulmasına əsaslı şübhələr müəyyən edilib.
Aşkar edilmiş faktlarla bağlı Cinayət Məcəlləsinin 188.1 (torpaq üzərində mülkiyyət, istifadə və ya icarə hüququnu pozma), 259.1, 259.2.3, 259.2.4 və 259.3-cü (xeyli miqdarda ziyan vurmaqla, qulluq mövqeyindən istifadə etməklə, külli miqdarda ziyan vurmaqla, qabaqcadan əlbir olan bir qrup şəxs və ya mütəşəkkil dəstə tərəfindən qanunsuz ağac kəsmə) maddələri ilə cinayət işləri başlanaraq istintaqın aparılması üçün aidiyyəti üzrə daxili işlər orqanlarına göndərilib.
You must enable Javascript on your browser for the site to work optimally and display sections completely.
Google News Abone ol
Səndə məqalə yaz
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Ekoloji #hüquqpozmalarla #bağlı #cinayət #işi #başlanıb