BEY.AZ informasiya agentliyi xəbər verir
Mətbuat Şurası və XİN Ermənistan jurnalistlərinin Azərbaycana səfərinin mümkün olduğunu açıqlayıb
Ermənistan jurnalistləri Azərbaycana səfər etmək istəsə, bu sahədə problem olmaz.
Metbuat.az bildirir ki, bunu bu gün Xarici İşlər Nazirliyində keçirilən brifinqdə Mətbuat Şurasının sədri Rəşad Məcid bildirib.
Rəşad Məcid deyib ki, müxtəlif dövrlərdə Tbilisidə Azərbaycan və Ermənistan jurnalistlərinin görüşləri təşkil edilib. Torpaqlarımız işğaldan azad ediləndən sonra artıq yeni şərait yarandığını söyləyən Mətbuat Şurasının sədri qeyd edib ki, Azərbaycanda media azadlığı var və Azərbaycan qanunları çərçivəsində Azərbaycana gəlmək istəyən Ermənistan jurnalistləri üçün qapı açıqdır:
“Ermənistan jurnalistləri Azərbaycana səfər etmək istəsə, bu sahədə problem olmaz”.
Xarici İşlər Nazirliyinin Mətbuat xidməti idarəsinin rəisi Ayxan Hacızadə isə deyib ki, Azərbaycanda keçirilən beynəlxalq tədbirlər zamanı xarici nümayəndə heyətlərinin tərkibində erməni əsilli jurnalistlər də olur:
“Bütün səfər edənlərin Azərbaycan qanunlarına hörmət etməsi zəruri amillərdəndir. Bu istiqamətdə növbəti illərdə müsbət addımların atılması gözlənilir”.
You must enable Javascript on your browser for the site to work optimally and display sections completely.
- Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Erməni #jurnalistlər #Azərbaycana #gələ #bilərlər
