Son zamanlar futbolçuların matçların sıx qrafiklə oynanılması ilə bağlı narazılıqları artır.
BEY.AZ xəbər verir ki, bu barədə artıq bir neçə məşhur futbolçu açıqlamasında öz narazılığını bildirib.
İspan futbolçu Rodri:
“Biz tətil keçirməyə yaxınıq. Düşünürəm ki, biz bu nöqtəyə çox yaxınıq. Vəziyyəti başa düşmək o qədər də çətin deyil, soruşduğunuz istənilən oyunçu eyni şeyi deyəcək”.
“Mançester Siti”nin qapıçısı Alisson:
“Heç kim oyunçulardan daha çox matç əlavə etmək barədə nə düşündüklərini soruşmur. Amma hamı bizim nə düşündüyümüzü bilir. Biz bezmişik.”
“Mançester Siti”nin futbolçusu Kevin De Bruyne:
“Düşünürəm ki, problem Klublararası Dünya Çempionatını bitirəndə ortaya çıxacaq. Klublararası dünya çempionatının finalı ilə Premyer Liqanın ilk günü arasında cəmi 3 həftə var. Tətilə getmək və daha 80 oyun oynamaq üçün üç həftəniz var. Amma bu onların vecinə deyil, onları maraqlandıran təkcə puldur”.
Keçmiş futbolçu Tyerri Anri:
“Gəlin AVRO-2024-dən danışaq. Turnirdən zövq aldınızmı? Ən yaxşı oyunçular yorğun idi. Azarkeşlərin mümkün qədər çox matç izləmək istəyini başa düşürəm, lakin mövsümün əvvəlində futbolçuların istirahət etməli olduğunu görmək istəmirəm”.
| ARMY.AZ | TÜRKÇE BİLGİ PORTALI |
