Gün eynəkləri alarkən nələrə diqqət eməliyik?

Günəş şüalarından qorunmaq üçün istifadə etdiyimiz gün eynəkləri seçərkən diqqət etməli

Cərrah-oftamoloq Pakizə Bayramova Metbuat.az-a bildirdi ki, ultrabənövşəyi şüaların təsiri ilə gözdə onkoloji xəstəliklər belə yarana bilər:

“Ultrabənövşəyi şüaların təsiri ilə gözdə, buynuz, konyunktiv qişada patoloji dəyişikliklərə səbə ola bilir. Bu şüalar səbəbindən gözdə onkoloji xəstəliklərə məruz qala bilərik. Əgər biz təbii gün işığının ultrabənövşəyi şüaları ilə uzun müddətdə əlaqədə olsaq, gözdə patoloji dəyişiklər baş verir. Təkcə yay deyil, qışda – qarlı havada qoruyucu eynək olmasa, bu zaman da qar korluğu yaranacaq. Bu kimi hallardan qorunmaq üçünsə, gün eynəklərindən istifadə olunmalıdır”.

Gün eynəklərinin seçiminə gəlincə, oftamoloq keyfiyyətli eynək seçiminə üstnülük verir:

“Burada eynəyin tündlüyü önəmli deyil. İnsanlarda elə bil təəssürat var ki, tünd gün eynəyi daha çox qoruyuculuq qabiliyyətinə malikdir. Əslində, burada filtr önəmlidir. Eynəyin rəngi, ucuz olması onun qoruyuculuq göstəricisinə təsir etmir. Gün eynəkləri alarkən, onların üzərində olan ultrabənövşəyi şüalardan qoruyucu filtrin 100% olduğunu bildirən nişan olmalıdır. Qoruyucu filtri 40-dan başlayan eynəkləri bizim işimizə yararlıdır. Gözlərində zəiflik olan insanlar eynək sifariş verərkən eynəklərinin həm optik, həm də qoruyucu özəlliklərinin olmasına diqqət etməlidirlər. Həmin şəxslər bu eynəklərin həm optik, həm də ultrabənövşəyi, kompüterin zərərli şüalarından, mavi işıqlardan qoruyucu özəlliklərindən yararlana bilərlər”.

Pakizə Bayramova

You must enable Javascript on your browser for the site to work optimally and display sections completely.