BEY.AZ informasiya agentliyi xəbər verir
Pakistanın keçmiş Baş naziri İmran Xanın rəhbəri olduğu Pakistan Ədalət Hərəkatı partiyasında kütləvi istefalar olub.
Metbuat.az Trthaber-ə istinadən xəbər verir ki, Baş nazirin seçilməsi üçün keçirilən parlamentin iclası zamanı keçmiş xarici işlər naziri Şah Mahmud Kureyşi belə açıqlama verib. O, özünün və çox sayda partiya üzvünün istefa verdiyini açıqlayıb. O deyib:
“Bu gün millətin qarşısında köləlik və özünə hörmət etmək kimi iki yol var. Buna görə, seçkiləri boykot etmək üçün kütləvi istefa verdik”.
Baş nazir vəzifəsi üçün namizədliyini irəli sürən Şah Mahmud Kureyşi bu çıxışından sonra parlamenti tərk edib. Nəticədə Baş nazir postuna Pakistan Ligi-Navaz partiyasının lideri Şahbaz Şərif tək namizəd qalıb. Parlamentdə Baş nazirin müəyyən edilməsi ilə bağlı iclas davam edir.
Qeyd edək ki, İmran Xan etimad səsverməsindən sonra istefa verib. İmran Xan bildirib ki, onu ABŞ müxalifət partiyalarının dəstəyi ilə devirib.
You must enable Javascript on your browser for the site to work optimally and display sections completely.
