HƏMAS-ın Siyasi Bürosunun rəhbəri İsmayıl Haniyə blokada altındakı Qəzzaya davam edən hücumlarla bağlı xəbərdarlıq edib.
BEY.AZ xəbər verir ki, o bildirib ki, İsrail hücumları davam etdirərsə bölgədəki proseslər nəzarətdən çıxacaq.
“HƏMAS da daxil olmaqla Fələstin ərazisindəki bütün müqavimət hərəkatları öz xalqını və torpaqlarını azad etməyi hədəfləyən milli azadlıq hərəkatlarıdır. Terrorçu işğalçı olan və onu dəstəkləyən və soyqırıma səssiz qalandır. Qəzzaya hücumun davam etdirilməsi bütün bölgəni nəzarətdən çıxaracaq. İslam xalqını və ərəb millətini pul, silah və texnologiya ilə müqaviməti dəstəkləməyə çağırıram” – İsmayıl Haniyə deyib.
Haniyə bütün dost ölkələri İsrailin Qəzzada uşaqlara, qadınlara, qocalara, ibadət yerlərinə və evlərə hücumlarını dayandırmaq üçün bütün platformalarda lazım olan bütün təzyiqləri tətbiq etməyə çağırıb.
