İran ordusunun İsrailə qarşı cavab tədbirləri üçün “əhəmiyyətli hazırlıqlar” gördüyü bildirilir – ARMY.AZ

Bildirilib ki, İran ordusunun raketlərə və silahlı pilotsuz uçuş aparatlarına (PUA) cavabdeh olan bölmələrində bu ölkənin apreldə İsrailə qarşı hücumundan əvvəl atdığı addımlar kimi “əhəmiyyətli hazırlıq” görülüb. WSJ qəzeti İsrail ordusunun Livanda İran və Hizbullah Hərəkatının cavab hazırlıqlarını müşahidə etdikdən sonra bu ay ilk dəfə yüksək döyüş hazırlığına keçdiyini iddia edib.

İki həftəyə yaxındır ki, İsrail HƏMAS-ın Siyasi Bürosunun sədri İsmayıl Haniyənin Tehranda öldürülməsinə cavab olaraq İrandan hücum gözləyir.

Axios-un Yaxın Şərq müxbiri Barak Ravid sosial media hesabında yazıb.

Yazıda həmçinin qeyd olunub ki, İsrail və ABŞ-ın hücumun vaxtı barədə məlumatı yoxdur.

Wall Street Journal (WSJ) qəzetinin mövzu ilə bağlı məlumatlı mənbəyə əsaslanaraq verdiyi xəbərdə İsrailin İran və Hizbullahın əks-hücum hazırlıqlarını müşahidə etdikdən sonra ilk dəfə avqust ayında yüksək hazırlıq səviyyəsinə keçdiyi bildirilib. .

İsrail dövlət televiziyası KAN bildirib ki, İsrail aprel ayında İranın başlatdığı hücumdan daha genişmiqyaslı hücuma hazırlaşır.

HƏMAS Siyasi Bürosunun rəhbəri Haniyə iyulun 31-də İranın paytaxtı Tehranda qətlə yetirilib.

İran və HƏMAS hücumun arxasında İsrailin olduğunu, Tehran isə Tel-Əviv rəhbərliyinə cavab verəcəyini bəyan edib.