“İranda LGBT bayrağının dalğalanmasını görmək istəyirəm”

“Həyatda ən böyük ümidim İranda göy qurşağı bayrağını ucaltmaq və var olduğumuzu hayqırmaqdır”.

Metbuat.az BBC-yə istinadən xəbər verir ki, bunu 2021-ci ilin mayında BBC ilə söhbətində Sareh kimi tanınan İranlı LGBT fəalı Zəhra Sadiqi Həmədani deyib.

Beş ay sonra o, İranın inqilab keşikçiləri tərəfindən həbs edilib. İndi o, başqa bir qadın – 24 yaşlı Elham Çubdarla birlikdə mühakimə olunub və onlara ölüm hökmü verilib.

Belə ki, Sareh tanınmış LGBT fəalı deyildi, lakin İranın azəri və kürd azlıqları arasında məşhur olan “İnstaqram” hesabı var idi. O, həm də İran və İraq Kürdüstanında LGBT icmalarının vəziyyəti barədə vaxtaşırı xarici televiziya qrupları ilə danışırdı.

O, BBC-yə deyib: “Niyə mən ictimai yerlərdə danışıram? Çünki mənim başımdan keçənləri digər LGBT fərdlərinin da yaşamasını istəmirəm. Mənim kimi digər qadınların da məcburi nikaha girməsini istəmirəm”.

“Biz korrupsioner deyilik; biz də hər kəs kimiyik. Mən insanları maarifləndirməyə çalışıram ki, başqaları, o cümlədən mənim uşaqlarım azadlığın nə demək olduğunu bilsinlər. Mən başqalarına seçim etmək imkanı vermək istəyirəm.”

İran hakimiyyətinin məlumatına görə, Sareh İran və Türkiyə sərhədi yaxınlığında həbs edilib. O, iranlı LGBT sürgünlərinin böyük bir icması olan Türkiyəyə köçməyi planlaşdırırdı.

İki qadına qarşı məhkəmənin bu ilin əvvəlində başladığı bildirilir. İranın məhkəmə sistemi ilə əlaqəli olan “Mizan News” agentliyi onların insan alveri və “Yer üzündə korrupsiya” – İslama zidd davranışları ifadə edən şəriət qanunu terminində təqsirli bilindiyini bildirib.

İnsan alveri ittihamı İran dövlət televiziyasında səsləndirilib. Bir xəbərdə Sarehin İraq Kürdüstanında gənc iranlı qadınlara ali təhsil, iş və daha yaxşı həyat təklif etməsini təbliğ edərək onları köləliyə satdığı deyilir. Onun həmçinin qeyri-qanuni qumar oyunlarını təbliğ etdiyini və LGBT partiyaları təşkil etdiyi söylənilib.

Lakin bu ittihamlar üçün heç bir sübut təqdim edilməyib və Amnesty İnternational insan haqları qrupu bu ittihamları rədd edib.

“Mizan” xəbər agentliyi Sareh və Elham Çubdarın fəallıqlarına görə mühakimə olunduğunu təkzib etsə də, İran insan haqları qrupları onların “homoseksuallığı yaymaqda”, “xristianlığı təbliğ etməkdə” və İslam Respublikasına düşmən olan media ilə ünsiyyətdə ittiham olunduğunu bildirib.

Qeyd edək ki, İran hakimiyyətinin homoseksual kişiləri saxta ittihamlarla təqib etməsi olduqca normaldır. İran qanunlarına görə, iki kişi arasında cinsi əlaqə ölümlə cəzalandırılır, lakin hakimiyyət orqanları homoseksualları təcavüz, yaxın qohumlar arasında cinsi əlaqə və ya narkotik alveri kimi cinayətlərdə ittiham edirlər.

Cəmi bir neçə gün əvvəl isə İran prezidenti İbrahim Rəisi homoseksuallar barədə olduqca təhqiramiz söz işlədib və homoseksuallığı “çirkli davranış” və “müasir barbarlıq” adlandırıb.

Mart ayında Ali Rəhbər Əli Xamenei homoseksuallığı Qərb sivilizasiyasında geniş yayılmış “əxlaərqi pozğunluğun” bir hissəsi kimi qiymətləndirib.

İran qanunlarına görə, həm Zəhra Sadiqi Həmədani və Elham Çubdarın Ali Məhkəməyə müraciət etmək hüququ var, lakin hökmün ləğvi gözlənilmir. Məhkəmə anti-şəriət qanunu sayılan ittihamlara gəldikdə, ən sərt hökmləri təsdiqləyə bilər.

You must enable Javascript on your browser for the site to work optimally and display sections completely.