Latviya Prezidenti COP29-da iştirak edəcək

Metbua.az xəbər verir ki, bu barədə Latviyanın Azərbaycandakı səfiri Edqars Skuya məlumat verib.

“Latviya Prezidenti Edqars Rinkeviçs COP29-da iştirakını təsdiqləyib. O, buraya nümayəndə heyəti ilə gəlir. Prezident rəsmi açılış və bütün əsas COP tədbirləri üçün burada olacaq”, – səfir bildirib.

Onun sözlərinə görə, ümumilikdə Latviya iqlim konfransında geniş şəkildə təmsil olunacaq. O cümlədən, kənd təsərrüfatı nazirinin rəhbərlik etdiyi nümayəndə heyətinin iştirakı nəzərdə tutulub. Digər nazirlərin və biznes-nümayəndə heyətlərinin də iştirakı mümkündür.

Qeyd edək ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) noyabrın 11-22 tarixlərində Bakıda keçiriləcək.