İsrail-Livan sərhədində gərginlik davam edir.
BEY.AZ xəbər verir ki, İsrail ordusunun məlumatına görə, Livandan İsrailin bəzi əraziləri atıcı silahlardan atəşə tutulub. İsrail ordusuna aid hərbi məntəqəyə isə tank əleyhinə raket atıldığı bildirilib. İsrail ordusunun açıqlamasında deyilir ki, hücumların təşkil edildiyi ərazilərə cavab atəşi açılıb. Silahlıların mövqeləri artilleriya atəşi ilə vurulub.
Qeyd edək ki, İsrail ordusundan əvvəlki açıqlamada Livan sərhədindəki Metula qəsəbəsinə tank əleyhinə raket atıldığı və bu hücuma cavab olaraq İsrail tanklarının raketlərin atıldığı nöqtələri vurduğu bildirilmişdi. İsrail mətbuatı hadisələrdə 3 israillinin yaralandığını bildirib.
Follow Us
