Məişət zorakılığına məruz qalan 4 dağıstanlı qohum qız Gürcüstana QAÇDI – VİDEO

bey.az xəbər verir ki, bu barədə oktyabrın 30-na keçən gecə Şimali Qafqazda LGBT+ insanlara yardım edən SOS Böhran Qrupu məlumat yayıb. Qızlar mütəmadi olaraq məişət zorakılığına məruz qalıb və qaçmaq qərarına gəliblər.

Rusiya-Gürcüstan sərhədindəki “Verxniy Lars” keçid məntəqəsində on saatdan çox saxlanılan dağıstanlı 4 bacı Gürcüstana gedə bilib.

Hüquq müdafiəçilərinin sözlərinə görə, qızlar mütəmadi olaraq qohumları tərəfindən fiziki zorakılığa məruz qalıb, uşaqlıqda bacılar qadın sünnətinə məruz qalıb.

“SK SOS” böhran qrupu onlardan birinin döyülmə izləri olan fotosunu dərc edib. Qızın atası dağıstanlı jurnalist Svetlana Anoxina ilə söhbətində qızlarını nə vaxtsa döydüyünü təkzib edib və onları geri qaytarmaq niyyətində olduğunu bildirib.

“SK SOS”-un məlumatına görə, bacılar uzun müddət qaçmaq barədə düşünüblər və son qərar onlardan birini əmisi oğlu ilə evləndirmək istəyəndə verilib. Qızlar ən kiçiyi 18 yaşına çatana qədər gözləyiblər. Avqustun 7-də Böhran Qrupunun köməyi ilə Xadijat və Patimat Xizriyeva, həmçinin Aminat Qazimaqomedova və Patimat Maqomedova Dağıstanı tərk ediblər.

Oktyabrın 29-da “Verxniy Lars” keçid məntəqəsində əvvəlcə onları Gürcüstana buraxmaq istəməyiblər. Qaçan qızların qohumları sərhədə gəlib. Bu məsələ medianın diqqətini çəkəndən sonra onlar Gürcüstana getməyə müvəffəq olublar.

“Sizin narahatlığınız və həmrəyliyiniz sayəsində biz qızların daha təhlükəsiz yerə getməsinə kömək edə bildik”, -deyə hüquq müdafiəçiləri yazıb.

Buna baxmayaraq, qızlar hələ də qorxurlar ki, qohumları, o cümlədən Gürcüstandakı tanışlarının köməyi ilə onları apara bilər.

Çünki qohumları onları xaricdə tapacaqları ilə hədələyirlər.

Qızlar hələ də Gürcüstandadır. Hüquq müdafiəçiləri yaxınlarının xaricdən vətənə qayıtmaqla hədələdikləri qaçaq qızların həyatından narahatdırlar.