“Mançester Yunayted”dən Ronaldo ilə bağlı YANLIŞLIQ

“Mançester Yunayted” 2023-cü il klub təqvimində komandadan qalmaqallı şəkildə ayrılan Kriştiano Ronaldonun fotosundan istifadə edib.

Metbuat.az xəbər verir ki, “Mançester Yunayted” bu il də ənənəvi klassik klub təqvimini açıqlayıb. Dərc edilmiş təqvimdə hər ay bir oyunçu təmsil olunur. Belə ki, ötən günlərdə “Əl-Nassr”la müqavilə imzalayan Kriştiano Ronaldonun fotosu “Yunayted” təqviminin yanvar ayında yer alıb.

Xatırladaq ki, Ronaldo komanda yoldaşları və məşqçisi ilə baş verən insidentlərdən sonra “Yunayted”dən ayrılıb. Dünya çempionatında da əvəzedici heyətdə çıxış edən Ronaldo turnir başa çatdıqdan sonra Səudiyyə Ərəbistanının “Əl-Nassr” klubu ilə müqavilə imzalayıb. Kriştianu Ronaldonun yanvarın 14-də keçiriləcək “Əl-Şəbab” ilə matçda oynayacağı gözlənilir.

You must enable Javascript on your browser for the site to work optimally and display sections completely.