Müasir mediada yeni trendlər mövzusunda konfrans keçirilir

BEY.AZ xəbər verir ki, Azərbaycan Mətbuat Şurasının təşkilatçılığı ilə gerçəkləşən konfransda qurumun İdarə Heyətinin üzvləri, Medianın İnkişafı Agentliyinin rəhbərliyi, media subyektlərinin baş redaktorları iştirak edirlər.

Konfransda siyasi ideoloji müstəvidə Azərbaycana qarşı aparılan informasiya müharibəsi və cəmiyyətin informasiya təhlükəsizliyinin təmin edilməsində medianın rolu, dezinformasiya ilə mübarizədə tətbiq edilən mexanizmlər – inzibati və hüquqi modellər, Azərbaycan mediasının rəqəmsal transformasiyası şəraitindəki üstünlüklər və çatışmazlıqlar, sosial media ilə rəqabətdə mediadan gözləntilər, ölkə mediasında beynəlxalq jurnalistika trendlərinin tətbiqi problemləri mövzularında çıxışlar və təqdimatlar nəzərdə tutulub.

Tədbirdə aparılacaq müzakirələrin yekununda, həmçinin Azərbaycan mediasına zəruri mesajların əksini tapacağı tövsiyə mətninin də açıqlanacağı planlaşdırılıb.