BEY.AZ informasiya agentliyi xəbər verir
Nəsimi rayonu, Mir Cəlal küçəsi 46 ünvanında ağacların zədələnməsi və kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət yerində araşdırılıb.
Xidmət rəsmisi Vaqif Cavadov Metbuat.az-a bildirib ki, araşdırma zamanı sözügedən ünvanda yaşayan vətəndaş Xədicə Kərimova tərəfindən 2 ağacın qanunsuz köçürüldüyü, 3 ağacın isə qazıntı işləri aparılan zaman kök hissədən zədələndiyi müəyyən edilib.
“Faktla bağlı X.Kərimova barəsində protokol tərtib olunub. Ərazidəki yaşıllıqların mühafizə olunması və ağaclara aqrotexniki qulluq göstərilməsi məqsədilə Nəsimi Rayon İcra Hakimiyyətinə, Nəsimi Rayon Bələdiyyəsinə və Bakı şəhər Yaşıllaşdırma Təsərrüfatı Birliyinə müraciət olunub”, – o bildirib.
You must enable Javascript on your browser for the site to work optimally and display sections completely.
