“Olimpiakos” “Qarabağ”ın qarşısına görün hansı taktika ilə çıxır

Sabah UEFA Avropa Liqasının IV turu çərçivəsində “Qarabağ” öz meydanında Yunanıstan “Olimpiakos”unu qəbul edəcək.

Metbuat.az fanat.az-a istinadən xəbər verir ki, Yunanıstanın “Gazette” nəşri Pirey təmsilçisinin çalışdırıcısı Miçel Qonsalesin “Qarabağ”a qarşı hansı sxemdən istifadə edəcəyini açıqlayıb.

“Miçelin komanda rəhbərliyi qarşısında öhdəliyi var. İspaniyalı baş məşqçi mütləq 3-lü müdafiədən istifadə edəcək. O, yenidən belə bir sxemə əl atacaq. Çünki xal əldə etmək üçün onun başqa seçimi yoxdur. Dəyişilən meydandakı futbolçuların adları ola bilər.

Qapıda Tsolakis və Pasxalakis əsas heyət uğrunda mübarizə aparır. Hər ikisi ilk 11-likdə çıxa bilər.

Arxadakı 3-lüyü Sisse, Ba və Sokratis təşkil edəcək. Cinahlarda Vrsaliko və Reabçuku görə bilərik. Embilas, Kunde və Buçalakis mərkəz üçün nəzərdə tutulub. Hücumda isə Co və Abubakar Kamara dueti görəcəyik.

Təbii ki, 59 yaşlı ispaniyalı son qərarını oyuna bir neçə saat qalmış dəyişə bilər, amma bu gün “Olimpiakos”un uğur qazanması üçün 3-5-2 Miçelin ən optimal variantıdır”.

Xatırladaq ki, qarşılaşma Bakı vaxtı ilə saat 20:45 də Tofiq Bəhramov adına Respublika stadionunda baş tutacaq. Bu komandalar arasında keçirilən ilk görüş Azərbaycan təmsilçisinin 3:0 hesablı qələbəsi ilə başa çatıb.

You must enable Javascript on your browser for the site to work optimally and display sections completely.