Türkiyə Süper Liqasının 9-cu həftəsində “Antalyaspor” ilə qarşılaşacaq “Qalatasaray” oyun üçün hazırlıqlara davam edir. “Sarı-qırmızılılar”ın baş məşqçi Okan Buruk meydana çıxaracağı start heyətini müəyyən edib.
BEY.AZ xəbər verir ki, təcrübəli məşqçi Musleranın önündə Kaan, Sançez, Abdülkərim və Yakobsu oynatmağı planlayır. Orta sahədə Torreyra və Saranın yer alacağı gözlənilir, Yunus və Sallai isə cinahlarda oynayacaq. İkardi hücumda yer aldıqda 10 oyunçunun forması artıq dəqiqləşmiş sayılır.
Hücum xəttində İkardini tamamlayacaq oyunçu isə maraqla gözlənilir. Okan Buruk zədəsi sağalan və məşqlərə qatılan Osimhen ilə bağlı qərarını isə son məşqdə verəcək.
Təcrübəli baş məşqçi zədədən yeni çıxan Osimheni risk etmək istəməsə, gözlər Mertensə çevriləcək. Fotomaçın məlumatına görə, əgər Osimhen ehtiyatda qalarsa, onun yerinə belçikalı ulduz start heyətində olacaq.
| ARMY.AZ | USTA XİDMƏTLƏRİ |
Takip Et
