Pensiya ödənişlərinə 943 milyon manat yönəldilib
BEY.AZ informasiya agentliyi xəbər verir
2023-cü ilin yanvar-fevral aylarında pensiya ödənişlərinə ötən ilin müvafiq dövrünə nisbətən 15,8 faiz (128 mln. manat) çox olmaqla 943 mln. manat vəsait yönəldilib.
Bu barədə Metbuat.az-a Əmək və Əhalinin Sosial Müdafiəsi Nazirliyindən xəbər verilib.
Pensiyaların orta məbləği 18,5 faiz artaraq 423 manata, yaşa görə pensiyaların orta aylıq məbləği 18 faiz artaraq 456 manata çatıb.
Pensiya islahatlarında yeni mərhələ kimi, minimum pensiya bu il fevralın 1-dən 240 manatdan 280 manata çatdırılıb.
Həmçinin 2022-ci ildə pensiyaçılara verilən maddi yardımlar 2023-cü ilin əvvəlindən onların pensiyaları tərkibinə daxil edilməklə pensiyaları artırılıb.
Həmin artım tətbiq edildikdən sonra pensiyaların 2022-ci il üzrə orta aylıq əməkhaqqının illik artım tempinə uyğun 14,7 faiz indeksləşdirilərək artırılması təmin edilib.
Bu ilin iki ayı ərzində 7,1 min, elektron pensiya təyinatına başlandığı 2019-cu ilin əvvəlindən isə 78,5 min pensiya təyinatı e-sistem üzərindən proaktiv qaydada həyata keçirilib.
You must enable Javascript on your browser for the site to work optimally and display sections completely.
Google News Abone ol
Səndə məqalə yaz
* Xəbər və məlumatları bizim email adresimizə göndərə bilər və ya yuxarıda qeyd edilən Məqalə yaz bölməsindən özünüzdə əlavə edə bilərsiz.
#Pensiya #ödənişlərinə #milyon #manat #yönəldilib