“Qalatasaray”dan pulsuz aldığı futbolçuya görə 150 milyon istəyirlər

“Şaxtyor Donetsk” klubu “Qalatasaray”ın sərbəst oyunçu kimi heyətinə qatdığı braziliyalı futbolçu Tete üçün FİFA-ya müraciət edir.

Metbuat.az xəbər verir ki, “Şaxtyor Donetsk” keçmiş futbolçusunun FİFA-nın qaydalarının pozduğunu əsas gətirərək, ondan 150 milyon avro təzminat tələb edir. “Şaxtyor Donetsk” Tetenin indi “Qalatasaray”da çıxış etdiyini əsas gətirərək, bu tələbi türk klubuna qarşı da irəli sürüb.

Qeyd edək ki, FİFA Rusiya-Ukrayna müharibəsi ilə əlaqədar Ukraynada oynayan futbolçuların klublarını tərk etməsinə icazə vermişdi. Bir sıra futbolçular da bu qaydadan istifadə edib. Tetenin “Şaxtyor Donetsk”lə müqaviləsində onun sərbəst qalma məbləği 150 milyon avro qeyd edilmişdi. Bundan əvəl də FİFA-ya oxşar tələblər irəli sürülsə də, futbol qurumu tələbləri qəbul etməyib.