Türkiyə Süper Liqasında “Çaykur Rizəspor”la qarşılaşacaq “Qalatasaray” komandasında Mauro İkardi şoku yaşanır. Argentinalı ulduz futbolçu “Adana Dəmirspor”la keçirilən oyunun 25-ci dəqiqəsində zədələnərək meydanı tərk edib.
BEY.AZ “Haber Global”a istinadən xəbər verir ki, İkardinin zədəsinin ciddiliyinə görə onun ən azı bir ay meydanlardan uzaq qalması gözlənilir. Bərpa prosesi isə 1,5-2 ay davam edə bilər.
Qeyd edək ki, Mauro İkardi bu mövsüm Super Liqada uğurlu performans göstərərək 3 oyunda 1 qol vurub və 1 məhsuldar ötürmə ilə yadda qalıb. Baş məşqçi Okan Burukun ikili hücumçu planı üçün İkardinin dönüşünü gözlədiyi, hazırda isə Osimhenin mərkəz hücumçusu olaraq ilk 11-likdə yer alacağı ehtimal olunur.
| ARMY.AZ | TÜRKÇE BİLGİ PORTALI |
Follow Us
