“Qarabağ” dünya reytinqində ilk 100-lüyə daxil olub

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Metbuat.az IFFHS-in rəsmi saytına istinadən xəbər verir ki, 300 komandanın yer aldığı siyahıda Azərbaycan təmsilçilərindən “Qarabağ” və “Neftçi” yer alıb.

Aktivində 136 xalı olan “Qarabağ” ötən ayla müqayisədə 7 pillə irəliləyərək 99-cu yerə yüksəlib. Ağdam təmsilçisi Cənubi Afrikanın “Mamelodi Sandaunz”, Almaniyanın “Bayer” (Leverkuzen) klubları ilə eyni xala malikdir.

“Neftçi” isə 87 xalla 237-ci yerdən 221-ci sırayadək irəliləyib.

İlk 3-lükdə 305 xalla “Çelsi” (İngiltərə), 304 xalla “Atletiko Mineyro” və 296 xalla “Palmeyras” (hər ikisi Braziliya) qərarlaşıb.

You must enable Javascript on your browser for the site to work optimally and display sections completely.