“Qızıl top” mükafatının qalibi bəlli oldu
“France Football” nəşrinin təsis etdiyi “Qızıl top” mükafatının qalibi müəyyənləşib.
BEY.AZ xəbər verir ki, bu barədə italyan insayder Fabrizio Romano “Dario Sport”a istinadən açıqlama verib. O bildirib ki, hələki rəsmən açıqanmasa da, qalib Messidir. Qeyd edək ki, “Qızıl top”un mükafatlandırma mərasimi oktyabrın 30-da baş tutacaq. Messi qalib olarsa, argentinalı superulduz karyerasında səkkizinci sözügedən mükafatı qazanacaq.
36 yaşlı Messi Argentina millisi ilə DÇ-2022-nin qalibi olub. Finalda dubl edən Messi ümumilikdə bu mundialda 7 qola imza atıb. Forvard yalnız Fransa yığmasının üzvü Kilian Mbappedən geri qalıb (8 qol). Futbolçu daha əvvəl 7 dəfə “Qızıl top” mükafatına layiq görülüb.