Şəhid xanımı qaynı tərəfindən qətlə yetirildi

Metbuat.az xəbər verir ki, bu barədə Xızı rayon prokurorluğu məlumat yayıb.

Bunu da oxu: Şəhidin xanımını qaynı niyə öldürüb? – TƏFƏRRÜAT / VİDEO

Mayın 13-ü saat 18 radələrində Xızı rayonu, Giləzi qəsəbəsində yerləşən fərdi yaşayış evlərindən birində 1999-cu il təvəllüdlü Ləman Qurbanovanın ölməsinə dair rayon prokurorluğuna məlumat daxil olub.

Aparılmış araşdırmalarla 1984-cü il təvəllüdlü Taleh Qurbanovun qohumu Ləman Qurbanovanı boğaraq qəsdən öldürməsinə əsaslı şübhələr müəyyən edilib.

Faktla bağlı Xızı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb. İş üzrə şübhəli şəxs qismində saxlanılan Taleh Qurbanov hadisədən sonra könüllü olaraq istintaqa təslim olub.

İbtidai istintaq davam edir.

Qeyd edək ki, Ləman Qurbanova sentyabr döyüşlərində şəhid olmuş Saleh Qurbanovun həyat yoldaşıdır. Taleh Qurbanov isə onun qaynıdır.

You must enable Javascript on your browser for the site to work optimally and display sections completely.