Army.az-a istinadən bildiririk ki
Ayın nazik atmosferinin necə əmələ gəldiyinin sirri onilliklər ərzində aparılan araşdırmalardan sonra açılıb. Mütəxəssislər atmosferin formalaşmasında meteorların təsirinin böyük rol oynadığını aşkar ediblər. Atomların daim kosmosa qarışdığı üçün Ay atmosferinin daim yenilənməsi lazım olduğu irəli sürülüb. Yerin peykində insanların nəfəs alması üçün hava olmasa da, göy cismi nazik atmosferlə əhatə olunub.
Apollon missiyalarının gətirdiyi Ay nümunələrini araşdıran elm adamları, Ayın nazik atmosferinin necə əmələ gəldiyinin sirrinin açıldığını açıqladılar.
Ay atmosferi 1960-70-ci illərdə NASA Aya astronavt göndərən zaman kəşf edilib. Yerin peykində insanların nəfəs alması üçün hava olmasa da, göy cismi nazik atmosferlə əhatə olunub.
METEOR TƏSİRLƏRİNİN ROLU
Atmosferin Yerdən çox nazik olduğu və Ayın səthinin kosmosda aşınması nəticəsində əmələ gəldiyi düşünülürdü.
Mütəxəssislər bu proseslərin Ayın atmosferinə töhfə verdiyini və atmosferin əmələ gəlməsində meteor zərbələrinin böyük rol oynadığını aşkar ediblər.
“Science Advances” jurnalında yazan mütəxəssislər Ayın atomlarının kosmosda daim itdiyi üçün atmosferinin daim yenilənməsinin lazım olduğunu bildiriblər.
4,5 milyard illik həyatının ilk illərində Ay nəhəng meteor yağışlarına məruz qaldı.
İKİ ƏSAS PROSESDƏN İBARƏTDİR
NASA-nın 2013-cü ildə kosmosa göndərdiyi kosmik aparat göstərdi ki, peyk öz atmosferini iki əsas amilə borcludur.
Bunlardan birində Aya dəyən meteoritlər səthdəki materialları buxarlandıraraq onların qalxmasına şərait yaradır. Bu maddələr ya kosmosa qaçır, ya da Ayda qalır, atmosferi yeniləyir.
Digər prosesdə günəş küləyi ilə ulduzdan gələn yüksək enerjili hissəciklər enerjini səthdəki maddələrə ötürür və atmosferi yeniləyir.
Son araşdırmalar Ay atmosferinin formalaşmasında meteoritlərin 70 faiz, günəş küləyinin isə 30 faiz paya sahib olduğunu ortaya çıxarıb.
Alimlər hesab edirlər ki, yeni tapıntılar digər göy cisimlərini də anlamağa kömək edə bilər.
Mənbə: ARMY.AZ
