Təxribat xarakterli hərəkət. – ARMY.AZ

Rusiya prezidenti Vladimir Putin Ukrayna ordusunun Rusiyanın Kursk bölgəsinə hücumlarının “təxribat xarakterli hərəkət” olduğunu bildirib.

Putin hökumət üzvləri ilə görüşündə Kursk vilayətindəki vəziyyətlə bağlı açıqlamalar verib.

Ukrayna ordusunun Kurska hücumu təşkil etdiyinə diqqət çəkən Putin, “Kiyev rəhbərliyi raketlər də daxil olmaqla müxtəlif növ silahlardan istifadə edərək, mülki binalara, evlərə və təcili yardım maşınlarına fərq qoymadan atəş açaraq genişmiqyaslı təxribatçı hərəkətlər təşkil etməyə cəhd etdi” dedi. dedi.

Putin Rusiya Müdafiə Nazirliyi, Hüquq-Mühafizə Qüvvələri, Baş Qərargah və Federal Təhlükəsizlik Xidmətinin (FSB) rəsmiləri ilə görüş keçirəcəyini və rəsmilərdən bölgədəki vəziyyətlə bağlı məlumat alacağını bildirib.

Kursk vilayəti qubernatorunun müavini Aleksey Smirnovla da görüşdüyünü və mülki şəxslərə lazımi dəstəyin göstərilməsi ilə bağlı tapşırıq verdiyini bildirən Putin , Rusiya hökumətinin bununla bağlı lazımi addımları atmalı olduğunu bəyan edib.

Ukrayna ordusunun Rusiyanın Kursk ərazisinə etdiyi hücumlardan sonra iki ordu arasında şiddətli qarşıdurma yaşanır.

Rusiya Müdafiə Nazirliyi Kursk bölgəsinə hücum edən Ukrayna ordusu hissələrinə itkilər verdiklərini və əks əməliyyatın davam etdiyini açıqlayıb.

Kursk vilayətinin qubernatoru vəzifəsini icra edən Aleksey Smirnov Rusiya – Ukrayna sərhədində hücuma məruz qalan yaşayış məntəqələrindən dinc sakinlərin təxliyəsinə başladıqlarını və bir gündə yüzlərlə mülki şəxsin bölgədən təxliyə edildiyini bildirib .