Toyuq ətinin qiyməti bahalaşdı – VİDEO
Son iki ayda kənd toyuğunun qiyməti artıb.
BEY.AZ-ın məlumatına görə, bahalaşma həm diri, həm də kəsilmiş kənd toyuqlarında müşahidə olunur. Satıcılar deyirlər ki, çəkisinə görə toyuqlar arasında üç manata qədər fərq edir.
Qiymət artımı bölgələrdə də özünü göstərir.
Tovuz və Mingəçevir bazarında da ötən aylarla müqayisədə qiymət fərqi bir manat 50 qəpiklə, üç manat arasında dəyişir.
Satıcıların sözlərinə görə, qiymətin artmasına səbəb yem məhsullarının bahalaşmasıdır. Yem məhsullarının qiyməti artdığından təsərrüfat xərcləri də çoxalır ki, bu da birbaşa diri və kəsilmiş kənd toyuğu məhsullarının qiymətinə təsir edir.
Satıcılar bildirib ki, bazarda kənd toyuğu ilə yanaşı, broyler toyuğu da alıcılara təklif olunur. Lakin broyler toyuqlarının qiyməti nisbətən aşağıdır.
Ətraflı “Xezerxeber”in süjetində:
| MÜHASİBATLIQ XİDMƏTİ | TÜRKÇE BİLGİ PORTALI |