UEFA-dan Şahruddinin klubuna avrokubok qadağası

UEFA Azərbaycan millisinin üzvü Şahruddin Məhəmmədəliyevin də formasını geyindiyi “Adana Demirspor”a 1 mövsümlük avrokubok qadağası qoyub.

BEY.AZ qurumun saytına istinadən xəbər verir ki, buna Adana təmsilçisinin 90 gündən çox gecikmiş və ödənməmiş borcları səbəb olub. Klub qarşıdakı üç mövsümdə (2024/25, 2025/26 və 2026/27) avrokuboklara vəsiqə qazanacağı təqdirdə, UEFA-nın klub yarışında iştirak edə bilməyəcək.

Qeyd edək ki, “Adana Demirspor” bundan öncə eyni səbəbdən transfer qadağası ilə də üzləşib.

You must enable Javascript on your browser for the site to work optimally and display sections completely.